ŠUŠUR NA STAROJ POŠTE

stara_postaSvaki petak za vrijeme karnevala od 18:00 sati nadalje.

1. Zvončarska montura (Petak 20.1.)
Saka zvončarska grupa na području Općine Matulji je specifična, a te specifičnosti zvončarske monturi će se prezentirat va našoj Štale.
Pozvane su se zvončarske grupe Općine Matulji, da prezentiraju veževanje zvonci, način delanja rožic i klobuki. Isto tako svi zainteresirani pusni judi da pomoru i pokažuju mlajen, a i staren ki bi radi navadit.
Program će bit popraćen z domaćun  živun pusnun muzikun.

2. Mladi maškarani festival- “Deca sopu, deca tancaju” (Petak 27.1.)
Reduta za decu kade mladi sopci pokažuju ča su navadili va Škole armuniki Nika Polesa i tancaju deca z Osnovne škole „Drago Gervais“ Brešca i Osnovne školi „Andrije Mohorovičića“ Matulji. Pozvana su  i djeca iz susjednih općina te svi zainteresirani. Program će bit popraćen z domaćun živun pusnun muzikun.

3. „Cesta pusne domaće hrani“ (Petak 03.02)
Na „CESTE DOMAĆE HRANI“ o puste se parićuju pusne delicije. Parićevat će se slatki i slani specijaliteti  ki su tradicionalni za Općinu Matulji i Liburnijski kraj va pusno vreme. Va prostoreh kuhinje restorana „Stara pošta “ i va „Štale“ kuhat će se pusno. Osmišljeno je ko radionica za mlajeh kade će deca delat pusne slašćice kod ča su ulenjaki, kroštuli i presnac. Isto tako kuhari restorana „Stara pošta“  i Ugostiteljska  škola z Opatije, će decu vadit kako se po starinsku parićuje kisela repa z fažolon, palenta, kapuz i kobasice.
Program će bit popraćen z domaćun živun pusnun muzikun.

4. Navadimo se zatancat po starinski (Petak 10.02.)
Za seh ki bi radi navadit zatancat po starinski, ni staro ni mlado, imaju priliku petak 10.02.2017. va Štale na Staroj Pošte, pod vodstvom našeh domaćeh tancuri.
Program će bit popraćen z domaćun živun pusnun muzikun.
Mladi i stari, maškarani ili ne pozvani su si.

5. „Pusni tanac po starinski“ (Petak 17.02.)
Rano je počelo i rano je finilo aš sej moralo poć doma po dobe.  Maškaralo sej ča sej na šufite našlo, navuklo sej nase kakov stari trliž i partilo na tanac. Provajmo još jedanta po starinsku. Tanac z starinskun pusnun muzikun.
Va isto vreme će va prostoreh restorana „ Stara pošta “ prikaževat film „Zvončari i njihovi odjeci“ Lidije Nikoćević i prezentacija istoimene knjige.

6. „Kad si sretan ti ponovi ovo sve…“ (24.02.Petak )
Tanac z starinskun pusnun muzikun, zakuska uz kuhano črno vino i prezentacija sega ča se je delalo si pusni petki  na Maškaranen Šušuse  va  „Štale“. Sen juden ki su nan pomogli va organizacije ovega pusnega događanja  i Općine Matulji ko glavnemu sponzoru zahvalit ćemo se za pomoć i sudjelovanje i podelit zahvalnice.

VESELIMO SE VAŠEM DOLASKU !!!!!